Verdamp Lang Her
Guitar
Ukulele
Intro
Verse
Verdamp lang her, dat ich fast alles ähnz nohm
Verdamp lang her, dat ich ahn jet jegläuv
un dann dä Schock, wie’t anders op mich zokohm
merkwürdich, wo su manche Haas langläuf
nit resigniert, nur reichlich desillusioniert,
e bessje jet hann ich kapiert.
Verse
Wer alles, wenn dir’t klapp, hinger dir herrennt,
ding Schulder klopp, wer dich nit all hofiert
sich ohne ruut ze wedde dinge Frönd nennt,
un dich daachs drop janz einfach ignoriert
Et ess lang her, dat ich vüür sujet ratlos stund
un vüür Enttäuschung echt nit mieh kunnt.
Verse
Ich weiß noch, wie ich nur dovun jedräump hann
wovunn ich nit woss, wie jet sööke sollt,
vüür lauter Söökerei et Finge jlatt versäump hann
un övverhaup, wat ich wo finge wollt
Ne Kopp voll Nix, nur die paar instinktive Tricks
et duhrt lang, besste dich durchblicks.
Verse
Dat woor die Zick, wo ich noch nit ens Pech hat
noch nit ens dat, ich hatte se nit ens satt
He wor John Steinbeck, do stund Joseph Conrad,
dozwesche ich - nur relativ Schachmatt
’t ess paar Johr her, doch die Erinnerung fällt nit schwer
hück kütt mer vüür, als wenn et Jestern wöör.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verse
Frööchs mich, wann ich zoletz e Bild jemolht hann,
ob mir e Leed tatsächlich jetz jenüsch,
ob ich jetz do been, wo ich hinjewollt hann,
ob mir ming Färv op die Tour nit verdrüsch
Ich gläuv, ich weiß, ob de nu laut mohls oder leis
’t kütt drop ahn, dat do et deiß.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verse
Verdamp lang her, dat ich bei dir ahm Jraav woor.
Verdamp lang her, dat mir jesprochen hann,
un dat vumm eine och jet beim andre ahnkohm,
su lang, dat ich mich kaum erinnre kann.
Häss fess jeglauv, dat wer em Himmel op dich waat,
ich jönn et dir ‘hann ich jesaat.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.