Wellenreiter
Guitar
Ukulele
Intro
Verse
N’abend Wellenreiter, saach wie jeht et dir?
Höchstens ald ens zweiter oder dritter
äver miehßtens nit ens Nummer vier
läufs do pausenlos dä Trends wie ’ne Komparse hingerher
echt, dat däät mich öden un zwar schwer.
Verse
Wie e Wetterfähnche drießte dich em Wind,
woher dä jraad weht es dir ejal
de Hauptsaach ess, et ess der neuste Wind
vun dir selvs blieht kaum jet övvrich, nur op dat wat anjesaat
fährste aff, als brööts de jet en Schublad.
Verse
Wat ess bloß passiert dat do su mutlos bess,
dat ding Power fott ess
dat do dich dermaßen selver opjejoven häss,
ratlos römläufs wie ’ne Schatten, dä sich kleinmäht wie ’ne Zwersch,
der mit vüürkütt wie ’ne Ohss vürm Berch.
Verse
Hühr ens, Wellenreiter, t’ess nit alles Driss
t’ süht zwar baal su uss,
doch et künnt sinn, - dat jenachdem - noch jet ze ändre ess
nur, wie du jetz bess, pass do dänne ganz prima in ´t Konzept
die dich su hann wollte - halt als Depp…
Solo
die dich su hann wollte- halt als Depp…